ايهما افضل ام idp ولا بريتش كاونسل ؟

ايهما أفضل ام idp ولا بريتيش كاونسل؟

نقلا عن / Abu Salman 

[/FONT]أولا: السعر في مصر من عدة شهور كان 1350 جنيه سواء في idp أو في برتيتش كونسل، لكن بعد تحرير سعر صرف الجنيه، السعر في البريتش كاونسل بقي ب 2150 جنيه بينما الـ idp أظن بقى 1950 جنيه فقط.

الغريب أن تكلفة إعادة التصحيح عند idp أغلى: 1090 جنيه ، بينما في البريتيش كاونسل التكلفة لإعادة التصحيح هي 690 جنيه فقط. 

انطباعي العام إن البريتش كاونس معاملتهم أفضل. لكن القاعة اللي امتحنت فيها في فندق فيرمونت 

مع الـidp كانت أفضل من قاعة فندق بيراميزا اللي امتحنت فيها مع البريتيش كاونسل، وكمان المكتب 

اللي امتحنت عليه مع البريتيش كاونسل مكنش مريح بالذات لإني طويل، وكنت مستغربه جدا، كان عامل 

زي ديسكات الامتحان اللي في كافيتريا هندسة عين شمس زمان (أنا دفعة 2001)، خشب قديم ومترب

كده! 

امتحان السبيكنج مع البرتش كاونسل كانت الممتحنة مريحة أكتر من اللي امتحني في الـ idp.

امتحان الـlistening مع البريتيش كاونسل فيه ميزة أنه بيكون في بدايته مثال مسموع بيشرح كيفية الحل،

وده بيديك فرصة تقرأ الأسئلة التالية بسرعة بحيث تكسب وقت وتعرف تحل بعد كده أسهل، وطبعا مش 

محتاج تسمع الشرح بتاع كيفية الحل لأنك المفروض اتدربت قبل كده كتير.

ميزة كمان مهمة للبريتيش كاونسل هي التزامه بتوقيت ظهور النتيجة، واللي طلعت بعد 13 يوم بالزبط

امتحنت السبت والنتيجة طلعت الخميس اللي في الأسبوع التالي، وجاتلي الرسالة صباحا واستلمت 

الشهادة الساعة 7 مساء من مقرهم اللي في العجوزة، بينما في idp كانوا بيقولوا إن النتيجة هتطلع 

على الموقع يوم الجمعة وتقدروا تستلموا الشهادة يوم الأحد، لكنها مطلعتش على الموقع يوم الجمعة

وبالتالي معرفتهاش إلا يوم الأحد.

أحد مشاكلي مع البرتش كاونسل هو ان امتحان الـ speaking كان معاده يوم الجمعة الساعة 12:20 لكن 

الحمد لله لحقت الصلاة في المسجد اللي في الفندق. كنت اتصلت قبلها بيومين أحاول أغير الموعد بس

قالولي تكلفة التغيير 100 جنيه (ودي مش مشكلة) بس مش هيقدروا يقولولي على الموعد الجديد 

بالتحديد إلا يوم الأحد وممكن يبقى الموعد الصبح وطبعا ظروف شغلي اليومين دول لا تسمح إني أغيب أو 

آخد أجازة أو إذن فاضطريت امتحن يوم الجمعة. وبصراحة أنا شايف أن ده سوء تصرف من البرتش كونسل،

وكنت أتمنى يخلوا المواعيد اللي من 12 إلى 1 يوم الجمعة دي مخصصة للسيدات مثلا بحيث لا تتعارض مع صلاة الجمعة. بس معرفش idp نظامهم ايه في امتحان الـspeaking لو الموعد كان يوم الجمعة، لأني لما امتحنت معاهم كان حظي حلو وامتحنت الـspeaking يوم السبت بعد الامتحان التحريري، مش قبلها بيوم.

ملاحظة جانبية: موعد الاستلام للشهادة من عند البريتيش كاونسل في العجوزة بيكون من 5 مساء يوم الخميس، وبيقفلوا الساعة 8 مساء، ولأنهم زحمة فبتاخد رقم وتستنى حاولي ساعة كاملة. بيفتحوا الجمعة من 9 ص حتى 3.30عصرا وبقية الأيام من 8.30 ص حتى 8 مساء

كل ما يخص فيزا جزيره مالطه

1- جواز السفر: جواز سفر ساري لا يكون قد مضي علي تاريخ اصداره أكثر من 10 سنوات و يكون صالح لمدة ثلاثة أشهر علي الأقل بعد انتهاء صلاحية التأشيرة المطلوبة و به صفحتين خاليتين علي الأقل مع تقديم صورة ضوئية منه و جوازات السفر السابقة ان وجدت مع تقديم صورة ضوئية منها.

2- الصور الفوتوغرافية: 01 صورة فوتوغرافية حديثة مستوفاة للمعايير البيومترية لا يزيد تاريخ تصويرها الي أكثر من 6 أشهر (خلفية بيضاء).

3- جمع البيانات البيومترية (مسح لبصمات الاصابع العشرة و صورة رقمية): يوجد لمن هم أكثر من 12 عاما و صالحة لمدة خمس سنوات.

4- وثيقة تأمين صحي: نعم علي ألا تقل مدة سريانها عن فترة الاقامة المطلوبة و علي أن لا يقل الحد الأدني للتغطية عن 30000 يورو للفرد و سارية في كل الدول الأعضاء في اتفاقية التشنجن و تغطي تكلفة اعادة المؤمن اليه الي بلده في حالة المرض و مصاريف العلاج الطبي في الحالات الطارئة و/أو مصاريف الاقامة في المستشفيات في الحالات الطارئة.

5- المستندات المؤيدة للطلب:
- ملئ نموذج طلب التأشيرة مستوفي البيانات و موقع عليه من صاحب الطلب شخصيا.
- يتعين علي كل متقدم بلغ من العمر أكثر من 16 عاما و لم يسبق له السفر الي منطقة التشنجن أو من فقد جواز سفر خاص به تقديم شهادات تحركات رسمية تصدر من ادارة الجوازات بمجمع التحرير بالقاهرة لتغطية السبع سنوات الأخيرة.
- مستند يوضح الغرض من الزيارة و خط سير الرحلة.
- حجز فندق أو اثبات محل اقامة أخر مع ذكر العنوان و رقم العاتف تفصيلا (مثل دعوة غير رسمية موقعة، اثبات القيام باستئجار أو شراء شقة - منزل).
- حجز الطيران (ذهاب و عودة) الخاص بالرحلة المزمعة.
- كشف حساب بنكي حديث (باللغة الانجليزية) يوضح حركة الحساب في الأشهر الستة الأخيرة، دفتر توفير، ثروات أخري.
- شهادة من جهة العمل تفيد وجود علاقة عمل قائمة بينها و بين طالب التأشيرة مع ذكر تاريخ بدء العمل و ذكر الوظيفة التي يشغلها طالب التأشيرة و دخله الشهري و كذلك مدة الأجازة المصرح له بها مع ذكر موعد بدايتها و نهايتها.
- أصل البطاقة الضريبية و السجل التجاري لأصحاب المهن الحرة و صورة ضوئية منهم.
- بالنسبة للطلبة: شهادة تفيد القيد في المدرسة / الجامعة.
- في حالة سفر القصر دون مرافقة ولي الأمر: لابد من تقديم اقرار بموافقة أولياء الأمر علي تقديم طلب الحصول علي التأشيرة و كذلك الموافقة علي السفر (يوقع الأب و الأم الاقرار بالموافقة سالف الذكر أو يوافق عليه الوصي علي القاصر و المعين من قبل المحكمة و يتم التوقيع علي الاقرار بالموافقة بمقر سفارة مالطا أو يتم توثيق الاقرار الموقع في الشهر العقاري).
- في حالة سفر القاصر بمرافقة أحد الوالدين: لابد من تقديم اقرار بموافقة ولي الأمر الأخر غير المرافق للقاصر علي تقديم طلب الحصول علي التأشيرة أو موافقة الوصي المعين من قبل المحكمة و يتم التوقيع علي الاقرار بالموافقة بمقر سفارة مالطا أو يتم توثيق الاقرار الموقع في الشهر العقاري. و في حالة وفاة أحد الوالدين فيتعين تقديم شهادة الوفاة الخاصة به.

6- المتطلبات اللغوية: يتعين تقديم أصل كافة المستندات المطلوبة مع صورة ضوئية منها باللغة المالطية أو باللغة الانجليزية.

7- المدة اللازمة للحصول علي التأشيرة: 15 يوم عمل.

8- اجراء مقابلة شخصية: نعم.

9- رسوم التأشيرة: 60 يورو (للبالغين) - مجانا (للأطفال حتي سن 12 عاما) - تسدد بالعملة المحلية.

كيفيه حساب نقاط العمر والخبره بسكل صحيح

كيف تحسب نقاط عمرك وخبرتك بشكل صحيح ...

...

لاستراليا وكندا ونيوزلاندا فرق سنة قد تفرق في نقاط العمر .... كذلك الخبرة سنة قد تزيد نقاط احيانا وقد تضيع نقاط ...

....

في حاجتين اساسيتين لحساب عمرك وخبرتك .... اولا كيف تحسب صاح ؟ 

في ناس بتتلخبط ... عمري 32 ونص ... كده يبقي عمري 32 ولا 33 ؟ .... او عندي خبرة 7 سنين و9 شهور ... كده 7 ولا 8 سنين ؟ ...

ببساطة ادارات الهجرة بتحسب السنين الانتهت بس من عمرك او خبرتك ... (لو بقت نص سنة بنحسب علي السنة الاقل) ..... يعني 32 وشهر يبقي عمرك 32 .... 32 سنة و11 شهر و29 يوم .... برضه عمرك = 32 سنة .... 

الخبرة نفس الفكرة .... 7 سنين وشهر هي تساوي 7 سنين .... و7 سنين و10 شهور برضك بتساوي 7 سنين .... 

وركز ان السنة محسوبة من يوم ميلادك ..... يعني مثلا انت مواليد 1 سبتمبر 1992 .... هل عمرك الان 25 سنة ؟ .... لا ... انت حتتم 25 يوم 1 سبتمبر 2017 .... حاليا عمرك 24 سنة و4 شهور و18 يوم بس اللي هي 24 سنة مش 25 سنة بالرغم انه يبدو بالسنين 2017-1992 بتساوي 25 سنة ) ...

تاني : انت مواليد 2 مايو 1977 .... كم عمرك الان ؟ .... عمرك ليس 40 ... بل 39 سنة و8 شهور ... يبقي 39 سنة عمرك.... وحتاخد نقاط 39 سنة لحدي 2 مايو 2017 ...

......

تاني نقطة مهمة هي من اي تاريخ بيتحسب الميلاد والخبرة ؟ 

في تلاتة تواريخ انت عندك اولهم هو تاريخ ال EOI .... ودا تاريخ ملئك للطلب الاولي .... وفي تاريخ ITA اللي هو تاريخ اللي جات فيه الدعوة ... وفي تاريخ اللي بتعمل فيه رفع للطلب النهائي Lodge .... 

التاريخ المهم هو تاريخ الدعوة ودا اللي بيتحسب علي اساسه نقاط عمرك وخبرتك .... 

مثال : عملت EOI وانت عمرك 32 سنة و9 شهور ... واستقبلت الدعوة وعمرك 33 وشهرين ... اي عمر حيتحسب ليك ؟ ... ( الاجابة حيتحسب ليك عمر ال33 وليس ال32 ) 

تاني : اتلقيت الدعوة وعمرك 32 و11 شهر ... لكن عملت الابليكشن وعمرك 33 وشهر ... اي عمر حيتحسب ؟... ( الاجابة حيتحسب ليك عمر ال32 )

تالت : عملت EOI وخبرتك اربعة سنين و10 شهور .... واخدت دعوة بعد شهر وخبرتك اربعة سنين و11 شهر ... بس عملت الابليكشن بعد شهرين وخبرتك 5 سنين وشهر ... كم خبرتك المحسوبة ليك ؟ ... ( الاجابة .. 4 سنين محسوبة لليك فقط) 

ركز انه المهم هو تاريخ استقبالك للدعوة لانه البيتحسب عليه ....

& نقطة اضافية ان ال EOI بيحدث نفسه بشكل تلقائي للعمر والخبرة مادمت مسجل بياناتك فيه وبحسبها بشكل دقيق ... يعني مادام تلقيت دعوة تأكد انه مش بياخد بيانات عمرك قبل سنة مثلا ... 

فيزا الخرجين والمؤهلين ،،

Skilled recognized graduate 476

الخريجين الجدد عادة مابيواجهو صعوبة في احراز النقاط المطلوبة في اختبار النقاط لعدم وجود الخبرة .... بس ادارة الهجرة الاسترالية بتوفر فيزا مؤقتة للخريجين الجدد مدتها 18 شهر لتساعدهم في اجتياز اختبار النقاط لاحقا .... 

الفيزا رقم 476 فيها عدة شروط اساسية لكن مافيها نظام نقاط .... اول شرط هي فيزا لخريجي الهندسة فقط اللي اتخرجو في اخر سنتين بس .... تاني شرط هو الاصعب لانه لازم تكون خريج هندسة من معهد معترف بيه ( المعاهد المعترف بيها هي اللي في الدول الموقعة علي واشنطون اكورد وهي 18 دولة وهي التالي : أستراليا- كندا – نيوزلاند – بريطانيا – امريكا – ايرلندا – تركيا – روسيا – سنغافورة – الصين – تايوان – هونغ كونغ – الهند – ماليزيا – جنوب افريقيا – سيريلانكا – اليابان – كوريا & وبعض الجامعات الاضافية في بعض الدول كبولندا والارجنتين وخلافه .... ) .... الشرط التاني شرط صعب نسبيا لعدم وجود الدول العربية كلها في اللستة .. بس بعض الدول الموجودة في واشنطون اكورد فيها رقم كبير من الطلاب العرب كماليزيا والهند والصين .... 

فاذا انت خريج هندسة (بكالريوس او ماجستير او دكتوراة) في اي من الدول اعلاه فمن الممكن ان تحصل علي الفيزا دي .

الشروط الاخري طيب .... شرط العمر يجب ان يكون عمرك اقل من 31 سنة لحظة تقديمك للفيزا.... وشرط انك خريج جديد من معهد معتمد في فترة اقصاها سنتين (لازم تكون شهادة تخرجك ماتمت سنتين يوم تقديمك للفيزا).

بالنسبة للايلتس يشترط انك تكون جايب 6 اوفر اول بشرط كل باند فوق 5 ( يعني عادي ممكن يكون عندك باند او اتنين 5 او 5.5 مادام الاوفر 6) 

وبس كده ممكن تقدم للفيزا علي طول .... لا بتحتاج معادلة لشهادتك ولا بتحتاج رعاية ولاية او اي شئ ولا بيحتاج تقدم EOI وتنتظر تجيك دعوة عشان تقدم ... بل بكل بساطة مادام عندك شهادتك من معهد متعمد وعمرك اقل من 31 سنة وايلتس 6 بامكانك تقدم مباشرة علي الفيزا .... ورسومها رمزية للغاية 360 دولار استرالي فقط ...

الفيزا مدتها سنة ونص وهي فيزا غير مقيدة وممكن تشتغل اي شئ او تعيش في اي مكان في استراليا .... وهي لا تحتوي علي طريق مباشر للبيرمنانت لاحقا لكن ممكن تساعدك في الحصول علي بعض النقاط لو حابب تقدم علي 189 او 190... مثلا لو اشتغلت في مجالك لمدة سنة في استراليا بتاخد 5 نقط اضافية ( سنة شغل في استراليا = 3 سنة برة) .... او تاخد professional year program ودا عبارة عن برنامج تدريبي لتأهيلك لسوق العمل مدته سنة ب 5 نقط .... وممكن وجودك في استراليا يحسن مستواك في اللغة لتحصل علي درجة اعلي وتزيد ربما 10 نقط ....او من الممكن فرصك في الحصول علي ترشيح لولاية لفيزا 190 يزيد لو انت عايش في الولاية نفسها وتاخد 5 نقط ...غير احتمال انك تلاقي شغل يعمل ليك رعاية لفيز الشغل زي 457 او 186 او 187 بيكون افضل طبعا من الناس الموجودة برة استراليا...ختاما فيزا 476 ليست افضل من 189 ولا 190 ولا 489 طبعا ... لكنها احسن الطرق واسهلها للمهندسين الخريجين للوصول لاستراليا ومستقبلا الوصول للاقامة الدائمة...

ازاى ادور على المهنه بتعتى موجوده ولا لاء في هجره استراليا

بسم الله الرحمن الرحيم
الجزء الاول من هجره استراليا
#هجرة_استراليا#
استراليا من الدول القويه جدا اللى فيها فرص العمل الكتير بمعدل دخل عالى جدا ومع ذلك مش واخده حقها البوست ده ان شاء الله هحاول الم فيه كل خطوات الهجره من الالف الى الياء.
فى طبعا جروبات متخصصه للهجره لاستراليا ولكن للاسف الرد على اى استفسار بيكون شوف البوست المثبت اللى متفهمش منه حاجه ويتوهك غير ان بيكون فيه استفسارات ممكن متلاقيهاش فيه.
طبعا الشرح هيكون بوجه عام ولازم تكون حضرتك مستوفى الشروط وتبذل المجهود اللازم لاستيفاء الشروط.
على بركة الله نبتدى اةل الخطوات والمتطلبات.
هجرة استراليا هى تجميع نقاط بناء على .
الحد الادنى للقبول هو 60 نقطه وطبعا بيتم تجميعهم بناء على التالى
العمـــر او السن- المؤهل الدراسي – اللغــــه- الخبره – وجود المهنه فى قائمه المهن المطلوبه.
العمـــر او السن
1-اقل من 18 سنه مرفوض
2-مابين 18 سنه الى 24 تحصل على 25 نقطه.
3-مابين 25 سنه الى 32 تحصل على 30 نقطه.
4-مابين 33 سنه الى 39 تحصل على 25 نقطه.
5-مابين 40 سنه الى 44 تحصل على 15 نقطه.
6-من 45 سنه صفر نقاط.
اللغــــه
لازم الحصول على شهاده اجاده اللغه الانجليزيه الايلتس الحد الادنى للقبول هو 6666 وبيتم احتساب النقط كالتالى
1-فى حاله الحصول على 6666 بيتم القبول بدرجة صفر نقاط.
2-فى حاله الحصول على 7777 تحصل على 10 نقطه.
3-فى حاله الحصول على 8888 تحصل على 20 نقطه.
المؤهــــل الدراســــي
1-مؤهل متوسط او دبلوم تحصل على 10 نقطه.
2-بكالوريوس او ماحستير تحصل على 15 نقطه.
3-دكنوراه تحصل على 20 نقطه.
الخبــــره العملـــيه
1-من صفر الى سنتين تحصل على صفر نقطه.
2-من 3 سنين الى 4 سنين تحصل على 5 نقطه.
3-من 5 سنين الى 7 سنين تحصل على 10 نقطه.
4-من 8 سنين فما فوق تحصل على 15 نقطه.
طبعا فى نقط تانيه ممكن تجمعها من التعليم فى استراليا او وجود خبره عمليه فى استراليا وطبعا كلنا اعتقد لناش نصيب فى التعليم او خبره عمل فى استراليا.
بعد احتساب النقط المبدئي نبتدى الجد.
ازاى اعرف ان المهنه موجوده على قائمه المهن المطلوبه على الموقع الرسمى؟
الموقع الرسمى صعب التعامل معاه شويه لذلك فى مواقع هتساعد فى الموضوع مواقع دقيقه جدا جدا وثقه هتدخل تكتب الوظيفه فى خانه البحث علشان تعرف المهنه موجوده والجهه اللى هيتم فيها التقييم ايوه التتقيم للشهاده والخبره يعنى ايه الكلام ده؟
هتدخل عبى رابط من الاتنين دول.
https://www.anzscosearch.com/search/
http://deltaimmigration.com.au/
تتوكل على الله وتكتب المهنه اللى حضرتك بتشتغلها بتطلع المهنه ومعاها كود للمهنه نفسها طبقا لقائمه الوظايف على الموقع الرسمى للهجره وكل مهنه ليها جهه مختصه وعترف بيها من الحكومه الاستراليه الجهه دى حضرتك بتسجل عليها وبتبعتلهم شهاداتك الدراسيه وشهادات الخبره وتدفع الرسوم وبعدها بيبعتولك تقرير التقييم اللى بناء عليه بيتم احتساب النقاط فى البند ده وطبعا زى ماقولت كل وظيفه وليها جهه تقييم خاصه بيها.
وفى نفس الصفحه بيعطيك نوع الفيزا او انواع الفيزات اللى حضرتك مؤهل ليها يعنى ايه الكلام ده برضو؟
فى قايمتين للمهن المطلوبه فى استراليا وهما مهن مطلوبه على المدى الطويل وهى المهمن المطلوبه بكتره فى استراليا ودى فى الغالب بتكون مؤهل لفيزا 189 اللى هى افضل واسهل فيزا لاستراليا.
وفى مهن تانيه لاتصلح مع الفيزا 189 وبتكون مؤهل لقيزا 190 او فيزا 489 ودى بتحتاج شروط زياده شويه زى ترشيح المقاطعات او عرض عمل من استراليا
خلصنا من اختبار الايلتس وتقييم الشهاده هنبتدى فى عمل طلب الهجره نفسه او ال EOI .
ان شاء الله نكمل فى جزء تانى علشان منخلبطش الناس

علشان تهاجر استراليا هناك ٣ انواع من الفيزا

أولا: علشان تهاجر إستراليا هناك 3 أنواع من الفيز



1- فيزا رقم 189 و دي معناها إنك عامل ماهر و مهنة مطلوبه في قائمة المهن المطلوبه إلي بتتغير كل 

سنه ماليه إستراليه في أول يوليو مميزات الفيزا دي إنك بتيح ليك تدور و تشتغل في إي ولايه من 

الولايات الأستراليه بدون قيد أو شرط بتسمح ليك إنك تاخد اولادك معاك و هناك بيتوفر ليك التأمين 

الصحي و التعليم الفيزا بتعطيك إقامه دائمه مدى الحياه و بعد حوالي 3 سنوات و شويه تقدر تقدم على 

الجنسيه


2 - فيزا 190 ودي معناها إنك عامل ماهر و مهنتك مطلوبه في قائمة المهن المطلوبه للولايات 

الأستراليه المختلفه بمعنى محافظة الشرقيه طالبه عدد 100 مهندس مدني سعدتك بتراسل المحافظه 

بما يثبت إن الوظيفه دي منطبقه عليك من حيث جميع الشروط المطلوبه و حط 10000000 خط تحت 

الشروط المطلوبه ﻷن شروط كل ولايه تختلف عن غيرها على نفس الوظيفه و الشروط دي ممكن تكون 

درجه معينه في الأيلتس أو حساب في البنك أو شهاده مهنيه معينه أو عضوية هيئه معينه. مميزات 

الفيزا دي زي أختها ألي فوق من حيث عدد السنين و التامين و العائله و المدارس أما العيوب فبالعقل 

كده انا ولايه قلت لك تعالى أشتغل عندي و هعطيك 5 نقط علشان تكمل الحد الأدنى بتاعك من النقط 

مش لازم ترد ليا الجميل و تشتغل عندي سنتين من الأربعة و بعدها تروح لحال سبيلك بصراحة عندهم حق 


3- الفيزا الثاثه صعبه جدا و عاوزه إنك يكون ليك حد قريب من الدرجه الأول و يحمل الأقامة الدائمه أو 



الجنسيه الأستراليه و يكون من سكان المدن غير الأساسيه ودي ليها قائمه يكفلك و تروح عنده أو إن 

شركة تبعتلك عقد عمل وده من رابع المستحيلات و النصب في الموضوع ده جامد جداااا 


ألي فات دول أنواع الفيز طيب اللعبه بتبدأ إزاي 


المطلوب يا سعادة الباشا أولا إن المهنه بتاعتك تكون مطلوبه في القائمة الأساسيه أو قوائم الولايات 

هنفترض إنها مطلوبه في الأثنين وده أحسن و أسهل إفتراض 


مثال مطلوب مهندس مدني الخطوه إلي بعدها


في جميع أنواع الفيز انت عاوز 60 نقطه بالتمام و الكمال علشان تدخل برجلك اليمين و إنت مطمن أجيب ال 

60 نقطه دول إزاي 


الحجات إلي بتحسب عليها السن كالتالي : 


1- العمر 


تحت الربعين تاخد نقط فوق الربعين زيرو


مثال انا عمري 38 سنه = 25 نقطة


2- المؤهل الدراسي 


ماجستير زي البكالوريوس زي اليسانس طبعا الدكتوراه لأ


انا بكالوريوس هندسه = 15 نقطه


3- سنوات الخبرة ( على الأقل 5 سنوات في أخر عشر سنوات من تاريخ تقديم طلب الهجره مثبتين و حط 

تحت مثبتين 1000 خط هنعرف ليه) 


انا 10 سنين خبره في أخر 10 سنوات = 15 درجه 


4- اللغه إمتحان IELTS او PTE او TOEFL هنعرف بعدين إزاي احدد أي إمتحان 


مثلا ال IELTS جينيرال 


6666 = 0 Minmum 


7777 = 10


8888 = 15 


9999 = 20 


تعالوا نجمع النقط بتاعتي من غير اللغه 


العمر 25 + المؤهل 15 + سنوات الخبره 15 = المجموع 55 من 60 نقطه 


كده أنا محتاج 5 نقط اجبهم إزاي ؟ هناك 4 طرق مافيش غيرهم 


1- اللغه


أدخل أحسن ال IELTS من 6666 إلى 7777 أو ال PTE أجيب 65 نقطه من 100 طيب فشلت 


2- المؤهل أعمل دكتوراه في التخصص طيب فشلت 


3- لو زوجتي أو زوجي المهنه بتاعته مطلوبه يعمل نفس الخطوات بتاعتي من لغه و معادله و شهادات 

خبرة هيعطيني 5 نقاط طيب فشلت 


4- أدور على ترشيح ولايه من الولايات بشروطها يديني 5 نقط 


كده بأحد الطرق أنا عديت ال 60 نقطه 


إن شاء الله هنكمل لاحقا باقي الخطوات 

فيزا 489

فيزا المهاجرين المؤهلين للأقاليم ….

489 skilled regional visa


…

… وهي فيزا بتكون عبر رعاية ولاية او رعاية قريب ليك في استراليا بشرط ان يكون مقيم دائم او حاصل علي الجنسية الاسترالية …. وهي فيزا مؤقتة مدتها 4 سنوات تسمح لك بالاقامة في مناطق محددة في استراليا … حصولك علي رعاية من ولاية او قريبك يمنحك 10 نقاط اضافية لتجتاز اختبار النقاط…

لحصول علي هذه الفيزا يجب عليك ان تنطبق فيك الشروط التالية :

ان تكون مهنتك موجودة في قائمة المهن المطلوبة لاستراليا في قائمة
CSOL LIST for State sponsored or SOL LIST for Family sponsored
راجع قائمة المهن في الرابط

http://arab-migrants.com/en/countrie...ons-list-csol/

ان تكون حصلت علي معادلة لشهادتك من الجهة المختصة في استراليا بمهنتك
راجع قائمة بجهات الاختصاص في الرابط

http://arab-migrants.com/en/countrie...g-authorities/ )

ان يكون عمرك علي الاقل50 عاما
ان تكون متمكنا من اثبات لغتك الانجليزية بحصولك علي الاقل6 في امتحان الايلتس IELTSاو مايعادله
ان يتم ترشيحك من قبل احدي المقاطعات او الولايات الاسترالية للحصول علي هذه الفيزا
ان تستطيع احراز50 نقطة علي الاقل في اختبار النقاط الخاص باستراليا
راجع كيفية حساب النقاط في الرابط

http://arab-migrants.com/en/countrie...est-australia/

…..

الفيزا تحتوي علي طريقين مختلفين احدهم عن طريق رعاية ولاية او مقاطعة استرالية والاخر عبر رعاية قريب لك يسكن اقليم معين في استراليا … اول نوع (state sponsored) ودا يستلزم ترعاك احد ولايات استراليا لتاخد الفيزا … وتاني نوع ( Family sponsored ) ودا بيستلزم يرعاك قريب ليك لتأخد الفيزا …
للنوع الاول (489-S) هنا انت بتقدم في الEOI لولاية انت بتختارها عشان ترعاك بس لازم مهنتك تكون مطلوبة في الولاية الانت مقدم لليها …. اضافة لانك حتلتزم بانك تعيش في المناطق الريفية من تلك الولاية فقط لمدة سنتين …. هنا الولاية بتشوف طلبك وتقيمه ثم تقرر اختيارك ام لا ….
للنوع التاني (489-F) هنا انت بتقدم في الEOI علي اساس انو قريبك هو اللي حيرعاك ( قريبك دا لازم يكون ” ابوك/امك-اخوك/اختك-ابنك/بنتك-جدك/جدتك-عمك/عمتك/خالك/خالتك-ابن عمك/ابن خالك-ابن اخوك/ابن اختك ) … مع شرط ان قريبك مايكون عايش في احدي المدن دي (برسبان-سيدني-نيوكاستل-وولونغونغ) … هنا انت مش بتنتظر في الصف مادام قريبك حيرعاك وبتمش علي طول ….
طيب الفرق ايه بين الاتنين ؟ …. اول فرق واهم فرق انو 489-F مهنتك لازم تكون في ال SOL زيها زي 189 بالضبط وهي لستة اصغر طبعا وفي مهن كتير مش فيها …. بينما 489-S مهنتك لازم تكون في الCSOL زيها زي 190 بالضبط وهي اللستة الاكبر وتقريبا كل المهن فيها ….
تاني فرق … 489-F مش مضطر تعيش في مكان معين ( باستثناء انك مش حتقدر تعيش في المدن الاربعة اللي فوق ) … يعني انت حر … في مدن كبيرة وعواصم ولايات عديدة ممكن تعيش فيها …. بينما 489-S انت مضطر تعيش في ارياف الولاية الرعتك للفيزا ( وحتي بعضهم بيمنعك تعيش او تشتغل في عاصمة الولاية او مدنها الكبيرة) … وماتقدر تشتغل او تعيش في ولاية غير الرعتك لمدة السنتين الاولي علي الاقل …
تالت فرق … طريقة الدعوة وزمن الدعوة …. 489-F بتخش نظام الrounds العادية مع 189 وغالبا مش حتجيك دعوة بالساهل لو المقدمين ل189 في مهنتك كمية ( ولو مهنتك من المهن اللي فيها زيادة ل65 او 70 حتضطر توصل نقطك 65 زي 189 بالضبط)… زمن الانتظار عشان الدعوة تجيك ل 489-F طويل جدا ممكن يستمر ل6 شهور وربما سنة وربما يزيد …. بالنسبة ل 489-S في اليوم اللي وافقت الولاية ترعاك حتجيك الدعوة مباشرة(حتي لو عندك 60 نقطة بس) … يعني ممكن في اسبوع …
……
الشروط العامة للفيزا وكيفية حساب النقاط والعمر وخلافه من الممكن مراجعتها عبر الموقع … لكن فوق نقاطك 489 بتضيف 10 نقاط اضافية ….
…..
بعد ماقدمت واخدت الفيزا دي ؟ …. ايه اللي حيحصل ؟ ….. الفيزا هي فيزا مؤقتة مدتها 4 سنوات كما قلنا بتتحول لفيزا دائمة عبر فيزا تانية هي 887 …. دي شروطها ايه ؟ … شرطين اساسيين … انك تكون عشت في المناطق الريفية للولاية الرعتك لو انت 489-s لمدة سنتين …. او عشت في اي منطقة برة الاربعة مدن اعلاه لو انت 489-f …. اضافة لانك تكون اشتغلت شغل بدوام كامل لمدة سنة ( الشغل مش يشترط انه يكون في مجالك بل اي شغل بس لمدة سنة كاملة في السنتين العشتهم في المناطق دي) …. فيزا 887 مش فيها نقاط ولا ايلتس ولا اي شئ بس الشرطين ديل … فيزا 887 فيزا دائمة بتأهلك بعدها للعيش والعمل في اي مكان في استراليا وفيها نفس حقوق 189 و190 كمقيم دائم ….
….